MAURICIO DELGADO MARCO ye naixito d’Exeya d’os Caballers en 1971 y ye l’informatico d’a colla, o que li da una cierta ventacha sobre a resta cuan se trata de treballar rapedo y escoscato. Ye miembro fundador de l’asociación Boira, creyata con l’obchectivo d’esfender y espardir a luenga y a cultura aragonesas en Cinco Villas, y si de vez va dillá d’as nuestras mugas, pos de pistón. Miembro d’o Consello d’a Fabla Aragonesa dende 2008, estió finalista en a VIII e IX edición d’o concurso Relatos cortos para leer en tres minutos “Luis del Val” con os relatos Trafucas y O primer treballo de Marieta. Publica os suyos escritos en Fuellas y en atros meyos d’información comarcals. Ye autor de a novela A batalla de Sibirana y ganador d’o IX premio “Gua” de literatura infantil y chovenil con a suya obra Gaiterman. No contento con ixo, tamién imparte clases d’aragonés en o suyo lugar dende 2004 y ye, posiblement, o mayestro que más personas ha formau en luenga aragonesa en a suya redolada.