Ye licenciau en Filolochía Hispanica por a Universidat de Barcelona. Dende chovenastro participa en bel movimiento en defensa d’a luenga catalana. Plega en Aragón en l’anyo 1990 dende Ibiza y en cuenta d’estudiar anglés, como faría cualsiquier atra persona con dos didos de frent, que ye lo que da perras,  s’adedica a l’estudio, ensenyanza y defensa d’a luenga aragonesa, aon y como li deixan. Ísta ye a primera cosa suya que amuestra a o publico. Més que més per no aburrir y conservar un cierto grau de prestichio y dignidat, si ye que bella vegada n’he teniu –que diz él–. Dimpués ya se relaxó lo suyo miedo y ye autor d’a traducción a l’aragonés d’a Vida de Pedro Saputo y As aventuras d’o caballer Tirant. Actualment ye miembro de l’Estudio de Filología Aragonesa, aon, pareix que agora sí, puet treballar con cierta tranquilidat.