Carlos G. Esteban (Zaragoza, 1979) empecipió en l’activismo lingüistico y cultural en o cabo d’os novanta, aprendendo aragonés en l’Asociación Cultural Nogara, an que dimpués faría de mayestro por mas de quince anyos. En 2006 empecipió a escribir en o blog Tierra de barrenaus, que ya s’acerca a las 2.000 entradas, incluyindo-ie decenas de relatos curtos. Lo blog se complementó dende 2015 con un programa de radio emitiu en Radio Topo dica 2025. En 2019 publicó Parola de follet, lo suyo primer libro en aragonés en solitario, que estió seguiu de Penchada d’un filo, (2020), y Parola de diaplerona (2023). En castellano ha publicau Hechos de tinta (2022), Arroyuelo: orden de despoblación (2024) y Tronus, la guardia de los sueños (2025), amás de participar en cualques libros colectivos.