Sergio Mur García naixió l’anyo 1981 en Zaragoza, ciudat an que tie es cuartels chenerals, encara que las suyas venas y buena part d’el suyo corazón son en Serveto, en la val de Chistau.

Gran conoixedor y amant de la musica electronica, lector asiduo de Nietzsche y Cioran, deportista, aficionau a l’astronomía y a la pesca a mosca en alta montanya, sensible a la poesía y a l’arte en cheneral, fotografo, enamorau de la naturaleza y de la vida, la suya personalidat inquieta y curiosa l’empuixan de contino a mesclar realismo y suenio, sentiu de la responsabilidat y deseyo salvache de libertat, en dos polos aparentement irreconciliables pero que él tozudament consigue combinar en la realización de proyectos ambiciosos, como este libro que tenez en las mans, en que la necesidat d’explicar una historia, el deseyo d’honrar a la luenga y amás el chuego d’experimentar con nueus patrons narrativos complegan en un artefacto innovador en la forma pero que en el fundo no fa sino parlar d’es grans temas de la literatura universal.

L’anyo 2004 va obtener el primer premio d’el concurso Lo Grau, con El Paso d’es Caballos.