I yes en: Empezipiallo > Autors > Pascual Miguel Ballestín

Pascual Miguel Ballestín

Ye bibliotecario de profesión, mayestro y cheografo de formación y colezionista de parolas por afizión. En o campo d’a lecsicografía, ha publicato cualques treballos de replega de lecsico popular y de testos d’os sieglos XIX y XX: “El habla de Gallocanta, una realidad viva” (Xiloca, nº 2), “Bocabulario aragonés d’o Diccionario Universal de la Lengua Castellana, Ciencias y Artes (1875-1878)” (Rolde, nº 102), o “Vicente Foz y Ponz: vulgarismos, vicios de dicción, provincialismos, voces familiares y arcaísmos más comunes en Aragón” (Espiello, nº 12). De conchunta con Chesús Casaus Parrilla, a introduzión d’o Diccionario dialectal altoaragonés. 1944 de Hortensia B. Bernad y el Dizionario aragonés de terminos cheograficos,, publicato en ista mesma colezión.
Tamién cal destacar a suya incursión en o mundo d’a traduzión a l’aragonés, con tetulos clasicos como A metamorfosis de Kafka, o Peter Pan de J. Barrie, y obras d’escritors aragoneses autuals, como A gollada d’o bosque de Chesús Yuste, Barucas estibals y atras prosas bolanderas de Jesús Moncada u A fragor de l’augua de José Giménez Corbatón.
Amás d’o volumen tetulau Los nombres de Aragón. Sus poblaciones, sobre la etimología de sus topónimos mayores, ye coautor u ha colaborato en bels libros (Guía de Daroca, Aragón puertas abiertas, El Pirineo aragonés, montañas vividas…), antiparti d’aprestar a edizión de belatros (Itinerario del Reino de Aragón, de Juan Bautista Labaña, Diccionario geográficoestadístico- histórico: edición facsímil provincia de Huesca de Pascual Madoz, El juguete rabioso, de Roberto Arlt…).
Fuo miembro d’o consello asesor d’a colezón RutasCai, y ha siñau colaborazions en Diario del Altoaragón, La magia de viajar por Aragón y atras publicazions periodicas.

Libros publicaus en Gara d'Edizions

  • DIZIONARIO ARAGONÉS DE TERMINOS CHEOGRAFICOS

    Más informazión
  • INSULTAR EN ARAGÓN. Caradas, faltadas, embefias, farinazos, palabros, carnuzadas, titabolas...

    Más informazión
  • TOPONIMIA MAYOR DE ARAGÓN. Ciudades, villas, lugares, aldeas, ríos, montañas y territorios.

    Más informazión