Elena Gusano Galindo
Ye una escritora y dramaturga en aragonés ansotano. Ye lizenziada y ye filla de mai d’Ansó y pai de Fago. Tetó l’ansotana d’as mullers d’a suya familia.
Ye autora de Guisos y ditos en os fogarils d'antismás (2004), d'o relato Maiberal (2008), ganador d'o concurso de relatos curtos en aragonés "Luis del Val" organizau por o Conzello de Sallén de Galligo, y de Yésica, un abrío d'agora (2010), que ye a primer obra de teatro escrita en aragonés ansotano y ha trunfau en as suyas representazons teatrals. En chunto con Juan Karlos López-Mugartza ha publicau l'articlo "As casas d'Ansó. Oiconimia d'a billa d'Ansó (Uesca, Aragón)" (Luenga & Fablas, 15-16, 2011-2012).
Tamién ye autora d’o documental Alacay el baile del ramo, presentau en o Festival Internacional de Documental Etnográfico de Sobrarbe.
En 2015 se presentó en Yésero a primer edizión d’a replega de relatos "Brioleta. Encuentro de escritoras aragonesas", aon partizipó.
En 2018 fue gualardonada con o premio Pedro Lafuente en aragonés por o suyo treballo "O churamento".
Informazión estraita de Wikipedia.
Libros publicados en Gara d'edizions
ANSÓ. O VESTIU POPULAR / EL TRAJE POPULAR
Más información